ଶ୍ରମିକ ମାନେ ସୁକିନ୍ଦା ବିକାଶର ମେରୁଦଣ୍ଡ- ପ୍ରଫୁଲ୍ଲ ଚନ୍ଦ୍ର ଘଡାଇ

ଓଡ଼ିଶା ଲିଡ୍ସ(ଯାଜପୁର): ଶ୍ରମିକ ମାନେ ସୁକିନ୍ଦା ବିକାଶର ମେରୁଦଣ୍ଡ । ଆଜି ସୁକିନ୍ଦା କାଳିଆ ପାଣି ଠାରେ ଆୟୋଜିତଶ୍ରମିକ ଦିବସରେ ଯୋଗ ଦେଇ ଏହା କହିଛନ୍ତି ପୂର୍ବତନ ଅର୍ଥମନ୍ତ୍ରୀ ତଥା ସୁକିନ୍ଦା ରିଜିୟନ କ୍ରୋମାଇଟ ଖଣି ମଜଦୂର ସଂଘ (ଏସଆରସିକେଏମଏସ)ର ପ୍ରାଣ ପ୍ରତିଷ୍ଠାତା ଡ଼ଃ ପ୍ରଫୁଲ୍ଲ ଚନ୍ଦ୍ର ଘଡାଇ । ଏହା ସହିତ ସେ ଆହୁରି ମଧ୍ୟ କହିଛନ୍ତି ଖଣି ଅଞ୍ଚଳର ଶ୍ରମିକ ମାନେ ହେଉଛନ୍ତି ସୁକିନ୍ଦା ମାଟି ଓ ମୋର ଶକ୍ତି । ସେମାନଙ୍କ ତ୍ୟାଗ ଓ ପରିଶ୍ରମ ଅମୂଲ୍ୟ। ଶ୍ରମିକ ମାନଙ୍କ ନିକଟରେ ସମସ୍ତେ ଋଣୀ । ଶ୍ରମିକ ଭାଇଭଉଣୀ ମାନଙ୍କ କଲ୍ୟାଣ ପାଇଁ ସଂଘ ଆଗକୁ ଆହୁରି ସୁଦୃଢ଼ ହେବ । ଏହି ଧାରାକୁ ମଜବୁତ କରି ଶ୍ରମିକ ମାନଙ୍କ ଉନ୍ନତି ଓ କଲ୍ୟାଣ ସୁନିଶ୍ଚିତ କରିବା ପାଇଁ ଆଜି ଶପଥ ନେବା । ଆୟୋଜିତ ସଭା ମଞ୍ଚକୁ ଡ଼ଃ ଘଡାଇଙ୍କୁ କଲରଙ୍ଗି ଅତ୍ତା ନିକଟରୁ ଏକ ବିଶାଳ ଶୋଭାଯାତ୍ରାରେ ପାଛୋଟି ନେଇଥିଲେ ଶତାଧିକ ଶ୍ରମିକ ।

The post ଶ୍ରମିକ ମାନେ ସୁକିନ୍ଦା ବିକାଶର ମେରୁଦଣ୍ଡ- ପ୍ରଫୁଲ୍ଲ ଚନ୍ଦ୍ର ଘଡାଇ appeared first on orissaleads.

News